2012年2月19日 星期日

年度盛事 - Blog友笑笑團2012


一年一度嘅模型界盛事 - Blog友笑笑團2012!盛況空前!人山人海!


今次笑笑團委員會嘅各位大哥傾力之作 - 「V30韋基利小隊」,睇到你傻嘅驚世傑作!


除咗每位大師重新上色嘅韋基利之外,作為場景嘅基地都精細到嚇死你!


再睇埋個製作特輯Presentation,除咗「O咀」,就係證實委員會嘅各位大哥係「好X勁」同「好X癲」!簡直係模魂爆發,睇到成身興洽洽,熱血上湧!XD


今次盛事嘅另一大作,「GVG 我們的主角機」,31架主角機並列,何其壯觀!細佬有幸參與其中,整咗隻Freedom,敬陪末席,轁吓光先!XD


公開賽冠軍作品「江師奶」兄嘅「冥王剎帝利」,只可以講聲「無敵」!


公開賽亞軍作品「鯊博士」嘅鐵人情景!個殖民衛星手工真係超正!


公開賽季軍作品「高地爸」嘅「慧星之亡靈」!霸氣十足!


另一公開賽得獎作品!EX-S!上色好正!


十代目「YaYa」大師嘅「F2000 Armrack 移動武器架」,「手油之神」就係勁!今年又有機會同佢請教咗好多手油上色嘅問題!


XM-XX兄嘅「帶袖軍團」!


高地爸今年力作!「Hulk Gundam」!又霸氣外露呢!


高地爸嘅「Zaku III」!


骨神「Kaku」嘅舊作!將無關節嘅「FG」改到連手指都郁得!技術差距以光年計算!m(_ _)m


骨神「Kaku」嘅另一舊作!又係將無關節嘅「FG」改到連手指都郁得!m(_ _)m



骨神「Kaku」今年力作之一!由無骨變有骨再改到連甲都除得!你話係咪技術差距以光年計o丫!m(_ _)m


笑笑團阿公「蟹Sir」大作!「FA O Gundam」再加基地情景!強呀!


蟹Sir製作經年嘅大作!「全自製蘭妹」,今年Unicorn第4集入面隻「拜亞蘭Custom」大出風頭,唔知係咪蟹Sir唔想隻「拜亞蘭Custom」搶晒啲風頭,居然今年的起心肝完成?XD!不過真係好正!全自製係每個模型人嘅目標!我都要自己整到一隻全自製!


住係「格啦底」嘅笑笑團委員「地埋堂」堂兄嘅大作!除咗手工超一流之外,堂兄個份心意真係令人敬佩!


Anthony兄嘅「RG Zaku II - Johnny Custom」!真紅雷電!


Anthony兄嘅「超Detail自護號」!正正正!


Ball哥大作!將舊模番新正過HGUC!勁呀!


Sonia小姐嘅「初號機Ball」,配色真係令人驚艷!好搶眼!


Hanco兄嘅「檸」,專業人仕就係唔同,簡潔有力!


夢大C嘅「ANA O Gundam」,配色好正!閃令令!


「麥飛娘」兄嘅BD-1,近乎全身改造過,外型超一流!


「hell99」大哥嘅「鳩鷲」!雖然大哥佢話「整唔掂就鳩鷲」!但係一啲都唔馬虎呢!正!


「KC」大哥嘅「Genoace Custom」,點樣可以令到人人喊打嘅「Age機」製作成令人眼前一亮嘅作品?就靠KC大哥嘅功架!勁!




「小公主」(佢係男人嚟o架XD)嘅「戰苦」!手工細緻,好多Detail位!最勁就係呢隻「戰苦」係好細隻,要好似醫生用顯微鏡做手術咁!手工超勁!




大師「謝寶言」老師嘅戰場情景!勁到無倫呀~~~~


Blog友笑笑團主頁:http://blog.yahoo.com/LOL.Modelers/cover

後感:

一年又過,今年係模型技術上真係得著好多,越玩越開心!今年嘅作品雖然「未夠班」,不過細佬我都有自信唔係「傷眼作」先!XD

自從兩年前睇住「YaYa」大師奪得「電擊十代目」之後狂跟佢個Blog,模魂重燃!到上年參與「笑笑團2011」之後認識一班模型同好高手,令到自己重拾細個時砌模型嘅樂趣!

砌模型係一種創作,可以展現出製作人嘅心、技、體!亦從提高製作模型水準上令到自己對每事有更高要求同投入!多謝笑笑團各位呢!

最緊要梗係要多謝我老婆大人係背後嘅支持啦!

Blog友笑笑團2012渣古大隊#03 - FA Zaku F2 完成!

正所謂人生就係衝過一條條嘅死線!人生如此、工作如此、連砌模型都係咁!呢隻FA (Full Armed) Zaku F2係係笑笑團2012.2.12舉辦當日零晨四點先趕工完成!真係一額汗呢!(=_=)'


呢隻係渣古小隊嘅最後一隻!概念係「中距離火力支援型」!因為先前已經有「近戰格鬥型」嘅BusterGouf同埋「長距離支援型」嘅Zaku Cannon!


兩支格靈炮係壽屋出品,夠大夠霸!拆晒原先嘅裝飾品,輕好多之餘仲企得穩!





個背包係用兩支格靈炮嘅「彈倉」合埋、左右再加咗MG Nu Gundam個腳眼零件、用番格靈炮個手柄裝係背包頂、用膠板整咗兩個手柄、「出彈口」同「掛架」、左右兩個掛架係用嚟掛一支機關鎗同老虎刀,不過唔夠時間,遲啲先整!個大噴射器入面再加多個細噴射器,再加兩條子彈,搞掂!


個大背包係唔會遮住原先個噴射器o架!


左右開弓!


敵機發見!火力集中!正前方!掃射開始!


今次個設計係做到可以將重炮裝備完全除低!只係係背包上鑽個窿,加塊細膠板圍番個窿!


重炮裝備!


中間支「連接柱」就唔上色啦!



笑笑團報名處:http://blog.yahoo.com/LOL.Modelers/articles/60204/index

2012年2月5日 星期日

Blog友笑笑團2012 - GM大隊「特務戇G!!」RGM79-L


呢隻GM係來自「曾野由太」所畫嘅外傳漫畫「我們是聯邦愚連隊」入面「八腳馬小隊」皇牌機師「蘇韓」所架駛嘅「吉姆輕裝型」!根據MSV嘅設定資料,呢架機係為先前渣開戰鬥機嘅聯邦皇牌機師過渡渣MS嘅特殊機體。係極端輕量化(拆晒啲裝甲)同加大推進器,以換取高機動性。再配備「高功率鐳射鎗」同「光劍」!目的係用番戰鬥機「高速、一擊脫離戰術」,但係「蘇韓」其實係完全冇用呢種戰術,反而係用高機動性近戰格鬥壓倒敵人!咁當然大前提係唔好俾人打中啦(被人一擊必殺XD)!


今次係用「HG - RGM 79」嚟改!支鎗並冇跟原設定個支核突到爆個支,而係用番GM支鎗改:換鎗頭、縮短鎗尾、用MG Zaku支大炮個「瞄準器」做彈匣、再用HG GNX遮住插底座位件件做「瞄準器」,再係GM眼件透明件個邊框剪左一塊做「瞄準器」塊玻璃!


改裝如上圖:
1. 做左一條頸,削面。
2. 加肩關節。
3. 削平個胸,再加番個倉門同排氣口。
4. 重做成個下體 XD。
5. 加長大腿同小腿。
6. 斬開條腰,加關節,變成可以挺胸收腹。
7. 加大推進器,再由2個噴射器加到4個噴射器!噴射器係由一支玩具長矛剪出嚟再鑽窿。


整容前後!唉!今次都算係咁啦!



仲有六日!仲差一隻「Full Armed Zaku F2」!



笑笑團報名處:http://blog.yahoo.com/LOL.Modelers/articles/60204/index