2011年1月23日 星期日

笑笑團2011@City U

今年「笑笑團2011」已經係1月16號係「城市大學」盛大舉行並完滿結束!今年小弟第一次參加,見到來自各方o既「模型友」同佢地o既作品實在係勁興奮好玩,除o左欣賞各高手o既作品之外,最重要係可以直接請教各種各樣o既技術問題,對於我呢種技術拙劣o既人o黎講,真係獲益良多!以下為大家送上當時實況,至於各位o既模型作品,因為我影個o的相有o的影得好差,所以未能盡錄各位o既作品!因為今次有成144件作品咁多!
笑笑團主題係以「1/144」比例為主!
笑笑團Facebook:http://www.facebook.com/photo.php?fbid=497520738391&set=a.497520713391.270099.658478391#!/LOL.Modelers
人山人海,盛況空前!
上任團長「蟹Sir」亦係當日大會師儀,大家都要聽佢支笛o架!個日佢真係嗌到喉都沙晒!辛苦晒!因為蟹Sir太忙,捉唔到佢合照!
超靚o既Sazabi,反晒光,好Sharp!
呢o架都超靚o既Sazabi係o黎自上海o既「消遙」大師作品,專程由上海寄過o黎參展!同上面個架「反光Sazabi」比較,真係各有千秋喎!
蟹Sir大作其之一:牛吉、Crabson、蟹嫂(?),似乎係一家三口?
蟹Sir Blog:http://hk.myblog.yahoo.com/crabchiu/article?mid=22229
蟹Sir大作其之二:蘭妹(全自製),家下好似改叫「戰神渣古」(即係「自護號」香港譯名,同樣都係腳部未完成o既機體!狡辯?),聽講係由兩年前開始建造,希望下年可以見到全身!
路斯魯兄嘅GNX,我先前都想改呢隻,不過技術有限整唔到,但居然係會場見到!即刻同路斯魯兄雞啄唔斷,因為我超鍾意GNX!
路斯魯Blog:http://hk.myblog.yahoo.com/ro-0
高地爸爸o既「帶袖雞 Angelo Sauper Jagd Doga 」,將「馬沙反擊0093」嘅機體改做成「獨角獸」時代嘅機體,改到好似係官方設定咁勁!一o的違和感都冇!
高地爸爸 Blog:http://hk.myblog.yahoo.com/codychanz
模型界大師,亦係我o既偶像,日本第十屆電擊王(蟹Sir加o左「已故」兩個字係前面XD):「YAYA」,正係度教授「手油大法」,一句講晒:「勁到無倫」,對於我呢o的手油人o黎講,呢堂真係超正!
YAYA Blog:http://hk.myblog.yahoo.com/ambroseyin
與偶像合照其之一:YA大!
與偶像合照其之二:團長「燈神JKL」!團長除o左砌模型技術一流之外,最享負盛名就係佢o既「加燈」技術,因為出神入化o既關係,大家都叫佢「燈神」!
JKL Blog:http://hk.myblog.yahoo.com/gundam-jkl
與偶像合照其之三:龍千影!除o左熱愛高達,千影兄都勁鐘意「幪面超人」,今年佢再加多個「騎士大戰」副題,小弟架「Unicorn - GAI」就係應千影兄o既號召而做!千影兄都係經常上模型雜誌o既模型師之一!
龍千影 Blog:http://hk.myblog.yahoo.com/kck01144
形藝舍o既「謝Sir」同「笑笑團女神 皂姐」即場教授場景地台製作!真係超勁!半個鐘就整好一個山坡場景!挑起o左我整「星矢」場景把火添!
形藝舍網頁:http://www.aahs.com.hk/
皂姐 Blog:http://hk.myblog.yahoo.com/joannaking-model
我最鐘意「蟻哥」呢架「阿姆羅專用Unicorn」!Cross over「Nu Gundam」呢!
蟻哥 Blog:http://hk.myblog.yahoo.com/leepanda/article?mid=7503
Ball哥呢架「合皮獨角獸 ver.Soviet Tank colour」好有野戰Feel!
Ball哥 Blog:http://hk.myblog.yahoo.com/ball-kei
呢架「Panda Z x Beargguy」o既熊霸簡直係令人眼前一亮,女仔見到實尖叫!
大力士哥哥o既「惡兔」,除o左一樣令女尖叫之外,仲好應節添!
大力士 Blog:http://hk.myblog.yahoo.com/darius_scy
YA大o既「塊塊魂強化老虎」,全手油上色,大師級就係大師級!
呢架「機動警察Unicorn」改得超靚,其實仲有架「鷹頭獅Unicorn」,不過我影得太差,放唔到上o黎!
如果要講Cross Over得最似,我覺得應該係呢架「戰神Unicorn」,好正!

超靚o既「O Gundam」!
蟻哥o既「天火蚊」,係Gundam 00入面,除o左GNX,Flag都係我鐘意o既量產機之一!
櫻愛蓮o既「天人特別小隊」,Cross over BB三國,好正呀!下次不如整呂布多魯基斯嗎!
櫻愛蓮 Blog:http://hk.myblog.yahoo.com/lyc_717
超正o既「百獸王Unicorn」!
「雕神Mr.B」o既「五星Unicorn」,個盾牌上面有一個「獨角獸」雕像!真係好靚!連姿勢都係五星Feel!
一睇就知係「柯柏文Unicorn」,o的顏色超靚!
龍千影兄o既「Gundam 00」情景,重現最終決戰o既一幕!唔記得問佢點整到o的石頭咁似!千影兄!睇到呢篇文唔該回覆一下教教我!
GNX,超靚o既GNX,究竟我要整到幾時先去到呢個地步?
呢架係我排行第二最鐘意o既Unicorn!配色一流!
團長o既ReZEL,閃晒燈好正!不過有冇得變番做MS個樣睇下?
我記得佢叫「綠色珊瑚蟹」,個種「生鏽」效果真係冇得頂,製作人即場講解,又學到o野啦!
「迷彩青椒」,靚得緊要!
皂姐o既「小安安」半身像!唔......真係得半身o乍?
大力士哥哥o既雪地用Zaku連情景!正!
小弟拙作!坤人部隊!
有o野睇、有o野學,有o野送(笑笑團2011月曆)仲有獎抽(SD Zaku II)!除o左多謝笑笑團全體仝人招待,仲識到一班充滿「模型火」o既朋友!我下年一定再o黎,快o的出題目啦!團長!

沒有留言:

張貼留言