2009年7月12日 星期日

絕密!老坤Dick極秘Project!!番外篇 02!!

老坤Dick極秘Project!!!!!
第二階段總算成功!!!!!!
下一階段整件大野!!!!!!
不過就唔知搞幾耐!!!!!!
一樣千祈唔好期待!!!!!!
一樣有機會會爛尾!!!!!!
嘿!嘿!嘿!嘿!嘿!嘿!嘿!
而點解老坤會自己整呢張「海皇皇座」而唔去買送埋「海皇皇座」o既「DX版海皇」?因為當時老坤一口氣買曬八隻海鬥士,個陣覺得買一隻「DX版海皇」可以買到兩盒「聖衣神話」,而「DX版海皇」只係多張「海皇皇座」、白袍、三叉戟底坐同埋件「鱗衣」唔同色,但就要俾雙倍錢!所以就決定買「普通版海皇」!依家當然有D後悔不過又唔想買多盒「DX版海皇」!所以就決定自己整番張「海皇皇座」出o黎!
以下就係「海皇皇座」o既製作特輯:
萬全o既準備,界刀、麵粉棍、發泡膠板、紙黏土、麵包刀、白膠槳、間尺....
先切下「海皇皇座」o既分件!
第一次試下組合!
係發泡膠板上面簡單雕刻出「登背」o既花紋!
因為「海皇」有一定重量,用幾塊發泡膠板加強承托力,再用牙籤打樁!
跟住就係壓平紙黏土,用o黎鋪係發泡膠板上面!
鋪完紙黏土就可以加水o黎「塑形」!
放係窗台風乾!
搵「海皇」大人坐下o岩唔o岩位先!
上色,上o左四層灰色!
再用第二隻灰色用乾掃方法令到張「海皇皇座」更似係用「石頭」整o既!因為紙黏土唔夠厚,所以就唔雕花紋啦!用金色油油番D花紋出o黎!
呢次係老坤第一次用紙黏土製作!黎緊下次會製作更大型o既o野!今次就係咁椅收貨啦!下次試下用「模」壓紙黏土!
至於因為連載緊o既「坤!聖鬥士星矢!」應該有排都未去到「海皇篇」,所以襯呢個機會俾佢地出下場!講起「海鬥士」,今次「聖衣神話」o既顏色真係太淺色!同黃金聖衣太接近!所以都忍唔住自己油「橙」佢地,實行「鱗衣橙化計劃」!不過只係油o左「海龍」同「海魔女」就停o左啦!點知「波塞冬大人」居然問起呢件事,搞到卡隆都唔知點答添!

沒有留言:

張貼留言